Digitale problem for Grenda - E-avisa nede

E-avisa er mest skadelidande når Grenda i dag er råka av dataproblem hos nettavisleverandøren vår.

Gjennom heile onsdagen har nettavisleverandøren til Grenda hatt problem med innlogginga. Som følgje av det har alle sakene på nettsida vår vore opne dagen gjennom. Ei kjedeleg følgje av problema er at me ikkje får levert e-avisa vår til dei som ynskje å lesa ho på pc-en sin.

– Problemet handlar forenkla sagt om at ein ikkje får verifisert brukarnamn og passord hos dei digitale abonnentane. Dette problemet gjeld for dei fleste av avisene som er på Polaris si plattform, som er den leverandøren me nyttar. I skrivande stund har ein framleis ikkje funne ut av det, opplyser dagleg leiar i Grenda Jarle Håvik seint onsdag kveld.

For dei som har lasta ned appen til smarttelefonen eller nettbrettet sitt, så fungerer e-visa der.