Litt distribusjonstrøbbel i Ølve, Hatlestrand og Varaldsøy
Det verkar som at ingen av Grenda sine abonnentar i Ølve, Hatlestrand og Varaldsøy har fått avisa i dag.
Diverre er desse tre områda igjen råka av distribusjonstrøbbel. Tysdag føremiddag veit vi berre at avisene ikkje er kome fram til abonnentane, men kva som har skjedd og kvar avisene har blitt av, er førebels ukjent.
Vi jobbar med saka, og vil koma attende med meir informasjon så snart vi veit noko.
Artikkelen held fram under annonsen.
Grenda beklagar ulempene dette medfører for lesarane!
OPPDATERING: Etter at vi la denne saka ut på Facebook, har vi fått mange meldingar frå folk som faktisk har fått avisa, så det verkar heldigvis som at omfanget er langt mindre enn det vi opphavleg fekk beskjed om.