Droppar drop-in
Då kommunen torsdag hadde opna for drop-in vaksinering enda dei opp med lange køar utanføre samfunnshuset i Rosendal. Denne erfaringa gjer at dei no går attende til den gamle varianten, der folk må melda seg opp til time før dei kjem.
Fredag kveld la kommunen ut ny vaksineinformasjon i ein status på Facebook. Det var der dei melde om at dei ynskja å gå attende til den vanlege praksisen.
– Kommunen testa denne veka ut «Drop-in» vaksine, men dette førte til svært lange køar utanfor lokalet, og det gjekk med mykje tid for dei som måtte venta på tur. Å bestilla vaksinetime i forkant for så å møta til avtalt tid går mykje smidigare, skriv dei.
Artikkelen held fram under annonsen.
På bakgrunn av dette oppmodar dei no alle kvinnheringar over 18 år, som enno ikkje har fått første dose med vaksine for Covid-19 om å bestille time til torsdag 5. august.
– Det er fleire ledige timar i Rosendal, skriv dei vidare.
Før dei ynskjer innbyggjarane i kommunen ei riktig god sommarhelg, legg dei til at det beste er om ein registrerer bestillinga sjølv på Remin, i staden for å ringje vaksinetelefonen. Denne har stor pågang, noko som fører til at det blir lang ventetid for dei som treng hjelp med bestilling.