Eide Marine Contractors byter namn
Tronds Marine Service AS blir det nye namnet på Eide Marine Contractors AS frå og med i dag (fredag) av.
– Selskapet har henta sitt namn frå Kristoffer Trondson Rustung frå Seim. Han hadde sitt opphav i Kvinnherad og hadde ein mangslungen maritim karriere som til slutt førte til at han blei admiral i den dansk-norske marine, skriv Tronds Marine Service AS i ei pressemelding.
Artikkelen held fram under annonsen.
Eide Marine Contractors AS har frå 15. mai 2017 vore eigd av Meidell konsernet. Dette namnebytet er eit ledd i etableringa av ein ny profil.
– Tronds Marine Service AS er ei vidareføring med dei same aktivitetar, organisasjon og flåte som i dag, står det å lesa i pressemeldinga.
Trass namnebytet vil bedrifta framleis halda base i Høylandsbygd.