Ekstramidlar til nattevakter
I ettermiddag kom rådmannen sitt forslag til budsjett for 2018. Der set han av pengar til ei nattevaktordning på Varaldsøy aldersheim.
– Det er fantastisk for Varaldsøy-samfunnet! Eg veit ikkje korleis det skulle gått utan, seier leiar i Varaldsøy sanitetslag Ingunn Enæs Gjuvsland.
Rådmannen set av 400.000 kroner i budsjettet til dagtilbodet på Varaldsøy, og 200.000 kroner til ei tilsynsordning/vaktordning.
Artikkelen held fram under annonsen.
– Dette er den største endringa av ramme som er gjort er i forhold til Omsorg, helse og sosial, skriv rådmannen i saksframlegget.
– No vart eg glad! Dette er gode nyhende for mange, seier Gjuvsland når Grenda ringte og fortalde om det rykande ferske budsjettforslaget.
– No er det jo ikkje avgjort før politikarane har sagt sitt?
– Eg trur mykje er gjort dersom rådmannen føreslår dette. Då trur eg politikarane følgjer etter, meiner Gjuvsland.
Les meir om budsjettet i tysdagsavisa.