Elevar vert oppmoda til å testa seg før dei startar på skulen etter nyttår
Elevar i barneskule, ungdomsskule og vidaregåande skule i Kvinnherad vert oppmoda til å testa seg før dei byrjar på skulen igjen etter ferien.
Det informerer sektor for oppvekst om onsdag.
– Dette skal skje innanfor 24 timar før dei går på jobb eller skule første dag etter juleferien. Men ikkje tidlegare enn klokka ni søndag morgon, står det å lesa i informasjonsmeldinga.
Artikkelen held fram under annonsen.
Alle skulane i Kvinnherad har fått testar som dei skal levera ut til elevane.
– Skulane kjem til å senda informasjon ut til foreldra om kva tid og kor dei kan henta desse testane. Me bed difor om at alle følgjer med på Visma-meldingar frå skulen sin. Elevar skal såleis ikkje henta testar på helsesentera, skriv kommunen.
Også dei tilsette i barnehagane og skulen får utlevert testar på arbeidsplassen sin, og skal heller ikkje henta testar på helsesenteret.