Endeleg ekte UKM igjen
Det er opna opp for påmelding til årets UKM Kvinnherad. Mønstringa går fysisk av stabelen 2. april.
Når Ung Kultur Møtes kan ein ein delta i alle slags kategoriar, både som utøvar og som arrangør. Ein kan delta med song, musikk, dans, kunst, som scenearbeidar, innan lyd og lys, vera med som programleiar, skodespelar, vitsemakar, tryllekunstnar, gledesspreiar, SO-ME-ansvarleg, eller kva ein møtte ynskja.
– Meld deg på, og ver med å skapa ein kjekk dag i lag. Me treng song, musikk, dans, latter og glede i liva våre no! Dette skal me gjera i lag. Me veit at det krelar av flott ungdom der ute! inviterer UKM Kvinnherad på sine nettsider.
Artikkelen held fram under annonsen.
Vidare vert det slått fast at dei vil gjera det dei kan for å hjelpa alle som melder seg på med å få ting til slik dei ynskjer.
– I år kan me gjera ein forskjell for dei rundt oss! Me gler oss veldig over at me kan samlast igjen og by på kultur saman, helsar UKM Kvinnherad.
UKM er ein arena der ungdom møter ungdom, der kultur blir utveksla, utan konkurranse, men med tankar om utvikling, læring og samhald. UKM ynskjer å vera landets viktigaste kulturelle møteplass for unge. UKM skal også bidra til at ung kultur får ein større plass i lokalsamfunnet. Dei lokale mønstringane er ei ledd i dette arbeidet.