Er du klar for halvmaraton?
Snør på deg joggeskoa og sleng deg med. Søndag 28. mai er det nemleg klart for det fjerde Postvegløpet i rekkja.
Til helga er det igjen duka for blod, sveitte og tårer langs den ærverdige postvegen frå Ternebu i Tveitedalen til Helland på Husnes. I kupert terreng og i flott natur vert det kamp frå start til mål om å verta fyrst gjennom den 21,1 kilometer lange løypa i konkurranseklassen.
I tillegg vert det arrangert minimaraton (6,66 kilometer) og trimklasse frå Handeland gard. Det vert sal av kaffi og kaker i målområdet, og arrangøren lovar folkefest i løypene.
Artikkelen held fram under annonsen.
– Det vert ein folkefest i historisk kulturlandskap i flotte Kvinnherad, skriv Johannes Heien frå Ternen i ei pressemelding.