Erklært død på staden
Bilføraren som køyrte utfor vegen i Uskedalen er erklært død på staden. – Kan ha vore eit illebefinnande, skriv Vest politidistrikt.
Naudetatane rykte ut til Uskedalen like over klokka 11 onsdag. Det etter ei melding om ei trafikkulukke.
Artikkelen held fram under annonsen.
Ein person var bevisstlaus etter at ein bil hadde køyrt utfor vegen og gjennom eit gjerde i Uskedalen sentrum.
Forbipasserande fekk bilføraren ut av bilen og starta hjarte- og lungeredning på staden. Klokka 12.08 var luftambulansen på staden.
Ein halvtime etterpå vart personen erklært død.
– Bilføraren er erklært død på staden. Kan ha fått eit illebefinnande, skriv Vest politidistrikt på Twitter.