Etterforskar dødsfall
(OPPDATERT) Politiet melder om funn av død person i Gangstø på Sunde.
Tre krimteknikarar frå Bergen er no på plass i huset på Gangstø for å undersøkja kva som har skjedd.
- På bakgrunn av omstenda undersøkjer politiet nærmare rundt dødsfallet, meldte Terje Magnussen, operasjonsleiar ved Vest politidistrikt, kl 09.20 måndag morgon.
Artikkelen held fram under annonsen.
Bergensavisen meldte at det er ein mann i 30-åra som er funnen i eit husvære. Naboen bekreftar at ein ung mann frå Baltikum bur i huset saman med fleire andre. Han skal ha vore i landet i fire-fem månader, for å jobba som elektrikar på Sunde.
Politiet skal ha fått melding om funnet kl 19.15 sundag kveld.
- Mannen vart funnen av arbeidskollegaer som sundag kveld returnerte frå ferie. Han har ikkje vore sett dagane før dødsfallet vart meldt, seier lensmann Jan Fosse til Grenda.
Den døde skal obduserast ved Gades Institutt, tidlegast på tysdag.
Lensmann Jan L. Fosse vil ikkje spekulera i kva som har skjedd, men bad om assistanse av krimteknikarane fordi legen som først vart tilkalla til staden ikkje klarte å fastsetja dødsårsaka.