Etterlyst kassebil er sjekka ut av saka
Den etterlyste kassebilen av typen VW Caravelle er sjekka ut av innbrot-saka i Ølve.
Fusa og Tysnes lensmannsdistrikt gjekk måndag føremiddag ut og etterlyste ein kassebil som var observert i hytteområdet som i førre veke var utsett for innbrot. Lensmannsdistriktet fekk inn mange tips, og kom måndag ettermiddag i kontakt med eigarane av kassebilen.
– Vi fekk mange aktuelle tips knytt til den etterlyste bilen, men den er no sjekka ut av saka og hadde ingenting med innbrota å gjera, seier politioverbetjent Ove Ivarhus.
Artikkelen held fram under annonsen.
Som framleis ynskjer tips frå publikum.
– Ja, vi er framleis interesserte i tips om folk har registrert aktivitet i det aktuelle området i perioden frå måndags kveld og fram til fredags morgon, seier Ivarhus.