Familiedag i Steinparken
Søndag er det klart for sesongopning i Steinparken i Rosendal. Det vert markert med ein familiedag.
På programmet står aktivitetar og leiker for dei minste, skattejakt, natursti, fossiljakt, finn «Turbo» og grilling. Folk må ta med grillmat sjølve, men arrangørane Steinparken, Barnas Turlag og Besøkssenter Folgefonna nasjonalpark stiller med kaffi, saft og bollar.
Artikkelen held fram under annonsen.
– Det vert ikkje nokre veldig avanserte greier, men vonleg ein kjekk familiedag. Vi slår ikkje på stortromma før i august, då vi skal opna varmestova, seier Øystein Skaala i Steinparken.