Fann ulovlege garn på Halsnøy

Statens naturoppsyn fann to ulovlege laksegarn på Halsnøy under eit tilsyn på fredag.

Fredag gjennomførte Statens naturoppsyn (SNO) tilsyn i Åkrafjorden og Hardangerfjorden i Etne og Kvinnherad.

– Me har merksemd på ulovlig fiske etter anadrom laksefisk, og særleg sjøauren på denne tida av året, skriv Olaf Bratland i SNO i ei pressemelding etter tilsynet dei gjorde fredag.

Fiske i sjøen er regulert gjennom forskrifter som er heimla i lakse- og innlandsfiskelova. For å unngå å fange anadrom laksefisk er det reglar om nedseinking av garnreiskap i perioden 1. mars til 30. september. I det området kontrollen føregjekk, er det ved forskrift regulert at setjegarn med maskevidde på meir enn 32 mm skal senkast ned minst 3 meter under vassyta. Det skal senkast slik at heile garnlengda til ei kvar tid er minst 3 meter under vassyta, påpeikar SNO.

For fiskarar i Kvinnherad kommune er det særs viktig og å vite at det er andre nedsenkingsreglar lenger inn i Hardangerfjorden. Dette gjeld i ei line mellom Bleiknes på Husnes og Ystadnes på Ølve. Innanfor denne lina, i Hardangerfjorden, så skal alle garn, uansett maskevidde, senkast minimum tre m under vassyta, gjer SNO merksame på.

På kontrollen vart det inndrege totalt tre garn, som stod ulovlig.

– Eitt i Åkrafjorden ved Eintveit, eitt i Monsvika ved Halsnøy og eitt ved Fjellandsvika også dette ved Halsnøy. I Det eine garnet stod 2 sjøaurar. Desse var i live og vart sleppt uti att. Om me finn ut kven som er eigarar av garna, så vil der bli oppretta politisaker. Om ikkje, så vil garna være inndregne i 3 månader før dei vert destruert, sluttar SNO.