Fann ulovlege garn

Statens naturoppsyn fann åtte ulovleg garn i Hardangerfjorden, samt fiske med stong i fredingssonene i Kvinnherad, då dei hadde kontroll natt til laurdag.

– Me gjennomførte laksetilsyn, med to oppsynsbåtar, fredag kveld og natt til laurdag. Tilsynet vart gjort rundt Tysnes og i Hardangerfjorden i Kvinnherad kommune, Jondal kommune og Kvam herad opplyser Olaf Bratland i ei pressemelding.

Eitt av dei åtte ulovlege garna vart funne i Kvinnherad. Dei andre vart funne i Kvam (2), Jondal (1) og Tysnes (4).

– Det største garnet som vart drege inn var ca. 130 m langt, og hadde 20 oppdrettslaks på 3-5 kg. Dette stod på flyt og sperra ei vik i Kvam herad. All denne laksen vart destruert etter veging. Ingen av dei garna som vart drege inn var merka med navn og adresse, slik at det er ikkje oppretta politisaker for ulovlig fiske enno. Dei vert å regne som administrativt inndrege, og vil bli destruerte etter 3 månader om ikkje me får tak i eigarane, opplyser Bratland.

Han legg til at fleire som fiska med stong i fredingssonene i Kvinnherad vart informerte om fiskereglane for stong der.

– Det er tydeleg for oss at det er mange som oppfiskinga av den rømte oppdrettsanlegget til Linga Laks. Det er sjølvsagt er bra. Men oppsynet vil minne om at der ikkje er gjeve dispensasjon frå regelverket som gjeld fiske i sjøen med garn, samt fiske med stong i fredingssoner, og at folk som vil delta i fiske etter oppdrettsfisk må følgje dei vanlege reglane for fiske som gjeld for årstida på den staden dei fiskar, minner Bratland om.

Fiskereglar er å finne på Fylkesmannen i Hordaland sine internettsider: https://www.fylkesmannen.no/nn/Hordaland/Miljo-og-klima/Fiskeforvaltning/Fiskereglar