Fantastisk engleutstilling

I morgon brakar Jul i Rosendal laus for fullt, med storstila julemarknad i Skålafjæro. Men allereie torsdag opna årets utstilling, og den er litt av eit syn.

Utstillinga har i år englar som tema, det same som fyrste året Jul i Rosendal vart arrangert. Kunstnarar har vore elevar frå dei fleste klassane på skulane Mauranger, Malmanger og Omvikdalen, i tillegg til barnehagane i dei same bygdene.

Under opninga midt på dagen torsdag, var ein del av kunstnarane til stades - mange av dei kledde i nissehuer for anledninga. Det er rett og slett imponerande kva dei har fått til. I 2. etasje i Varehuset Rosendal er vakre og kreative kunstverk stilt ut på rekke og rad.