Får ikkje frakta folk og filmutstyr til Bondhusdalen

Folgefonna nasjonalparkstyre har avslått ein søknad om å transportera stab, aktørar og utstyr med personbil eller ATV frå Bondhus til Bondhusvatnet.

– På bakgrunn av vurderingar etter verneforskrifta og naturmangfaldlova, meiner forvaltar at transporten er i strid med verneforskrifta, og innstiller på at det ikkje kan gjevast dispensasjon til transporten etter naturmangfaldlova og søknaden vert avslått, står det å lesa i svaret frå Folgefonna nasjonalparkstyre.

Søknaden er sendt i samband med innspelinga av ein dansk spelefilm for born ved namn «Valhalla». Innspelinga skal etter planen skje fredag 7. september, og vil ta opp til ti timar. Folgefonn nasjonalparkstyre skriv i brevet at dei berre har avslått søknaden om motorferdsel, som betyr at dei får lov til å filma.