Ferjesamband innstilt resten av dagen etter teknisk svikt
Sambandet Gjermundshamn - Varaldsøy - Årsnes er innstilt resten av laurdagen.
På grunn av teknisk svikt vil det ikkje vera trafikk i sambandet Gjermundshamn - Varaldsøy - Årsnes resten av dagen.
Det kjem fram i ei trafikkmelding frå Fjord 1 klokka 20.30 laurdag kveld.
Artikkelen held fram under annonsen.
Ein time tidlegare same kveld meldte reiarlaget at tekniske problem skapte krøll for rute B i sambandet, og at det var kansellert inntil vidare.
Like etter kom det kontramelding om at dei tekniske problema var retta opp i, og at rute B gjekk som normalt.
Men klokka 20.30 laurdag kom meldinga om at heile sambandet var innstilt resten av dagen.
– Grunnen er teknisk feil, skriv Vegtrafikksentralen vest på Twitter.
Klokka 22.05 laurdag kveld melder Fjord 1 at sambandet er tilbake i normal drift.