Ferjetrøbbel forseinkar avisutleveringa
Sambandet Gjermundshamn - Varaldsøy - Årsnes strevde med tekniske problem i natt. I tillegg til ulempa dette fører til for dei reisande, får det følgjer for avisutleveringa i dag.
Artikkelen held fram under annonsen.
Det er ruta som går innom Varaldsøy som har vore ute av drift i natt. Sambandet er no i gang igjen, og blir køyrt av MF «Stordal», og startar opp med ekstratur innom Varaldsøy med avgang 0845.
Avisutkøyrarane våre måtte venta tre timar på avisene i natt, og som følgje av dette er dei tilsvarande forseinka i utkøyringa av avisene.