– Fine tal

Tala syner at Grenda held fram med auken, om enn noko meir beskjedent enn førre gong tala vart lagt fram. Dei syner no at Grenda har eit opplag på 2853, og om ein samanliknar med tala for første halvår i 2025, blir det ein auke på 20.

Redaktør Morten Nygård er nøgd med at Grenda framleis kan syne til positive opplagstal.

– Ja, dette synest eg er fine tal. Vi mistenkjer jo at auken vil stoppa ein eller annan gong, så at vi noterte endå eit halvår med vekst, er vi svært takksame for. Eg vil som alltid takka lesarane våre, både gamle og nye, for tillita. Det er eit stort privilegium å kunne laga ei avis som stadig fleire set pris på. Og så skal vi som har arbeidsplassen vår i Grenda, stå på vidare for at lesarane framleis skal verta nøgde med produktet vi lagar, seier han.