Finn fram paraplyen, det vert vått på 17. mai

Torsdag er det klart for bunad, flagg, tog og bøttevis med is. Men skal ein tru prognosane, vert det utan at sola varmar frå himmelen.

– Prognosane er ikkje særleg oppløftande når det kjem til 17. mai-vêret i Kvinnherad. Det er venta vind i frå nordvest, regnbyer særleg tidleg på dag og lågt skydekke, seier statsmeteorolog Geir Ottar Fagerlid i Meteorologisk institutt til Grenda.

Og sjølv om vi då er komen langt ute i mai, heng gradestokken att i månadsskiftet februar-mars.

– Temperaturen er venta å halda seg mellom fem og ti grader. Ikkje det beste vêret med andre ord, seier Geir Ottar.

Best 17. mai-vêr får vi på kvelden.