Fire nye smitta i dag
Fleire elevar er smitta i samband med smitten knytt til Malmanger skule.
Fredag kveld stadfesta kommuneoverlege Glenn A. Opland at fem tilfelle av koronasmitte var oppdaga i Kvinnherad, inkludert tre knytt til elevar og tilsett ved Malmanger skule. Laurdag kveld bekreftar han fire nye tilfelle, også ved dette høvet er det snakk om smitte knytt til barn.
– Fire smitta, inkludert elevar ved Malmanger og Mauranger skular, forklarer kommuneoverlegen på sms til Grenda.
Artikkelen held fram under annonsen.
Ni smitta på to dagar er det meste ein har opplevd i Kvinnherad sidan pandemien braut ut. Dei fleste av desse er unge og uvaksinerte.