Fjernstyrt miniubåt inn i søket

Onsdag skal det søkjast med ROV etter den sakna David Tveit (28) i eit tjern på Varaldsøy.

– Det vert etter planen iverksett søk så tidleg som mogleg onsdag. Det vert ikkje i tysdag på grunn av utstyret som skal brukast, seier politiførstebetjent Torgeir Fosse i Kvinnherad lensmannsdistrikt måndag ettermiddag.

Utstyret det her er snakk om er ein fjernstyrt miniubåt som skal søkja etter den sakna i eit tjern, ikkje så langt frå 28-åringen sin bustad.

Politiet har saman med Røde Kors og andre frivillige gjennomført søk etter den sakna 28-åringen sidan torsdag, og har blant anna nytta hundar, helikopter og båt i søket. Eit søk som vart avslutta fredag kveld.

– På bakgrunn av at det vart gjort funn av kleder tilhøyrande den sakna, ikkje så langt unna der han er sakna frå, så vart det teken ei vurdering fredag kveld om at vi avslutta redningsaksjonen. Vi sit no å planlegg vidare aksjon, der det i fyrste rekkje er eit tjern vi skal søkja i, sa Fosse måndag morgon.

Den siste sikre observasjonen av den sakna er onsdag morgon.