Flott innsats for TV-aksjonen

For å bidra til årets TV-aksjon laga syskena Ida og Johan til stand der dei selde både brownies og teikningar.

TV-aksjonen 2023 går av stabelen i dag, søndag. Årets mottakar er Redd barna, og aksjonen har fått tittelen «La barn leve i fred».

Folk over heile landet stiller opp for å samla inn pengar. Eitt av initiativa står syskena Ida og Johan Maaland for. Dei bur på Skeie, og laga seg ein stand i stien som kjem opp Svartedalen frå Rosendal og fortset mot Seglem og Guddal. Der selde dei både brownies, kaffi, sjølvlaga teikningar og bok. Forbipasserande kunne betala med kontantar eller Vipps-nummeret til TV-aksjonen.

Grenda kan slå fast at kakene var gode.

– Har de laga dei sjølve? undra vår reporter.

– Nesten, svarte Johan.

– Ja, med litt hjelp frå vaksne, utdjupa Ida.

Dermed kunne turfolket skaffa seg både godt samvit og energi til turen vidare.