Folketalet gjekk ned i tredje kvartal

For første gong på lenge kunne Kvinnherad visa til folkevekst i årets andre kvartal, slik er ikkje stoda etter tredje kvartal i 2020.

Etter ei overraskande jubelmelding om at innbyggjartalet i Kvinnherad faktisk vaks med så mange som 28 innbyggjarar i løpet av årets andre kvartal, kjem Statistisk sentralbyrå med meir dystre tal for årets tredje kvartal.

For SSB sin ferske statistikk viser at innbyggjartalet i Kvinnherad det ved utgangen av tredje kvartal var 13.053. Noko som er 36 færre enn det var ved utgangen av årets andre kvartal.

Nedgangen kjem trass i at Kvinnherad kan visa til eit fødselsoverskot på éin i løpet av juli, august og september. Grunnen til det er at det flytta så mange som 122 personar frå Kvinnherad desse månadane, medan det berre flytta 86 til. Det gir nettoinnflytting på negative 37, og totalt ein folkenedgang på 36.