Forlenger AstraZeneca-pausen
FHI har behov for å gjera ytterlegare utgreiingar av AstraZeneca-vaksinen, og har difor vedteke å forlenga pausen til 15. april.
Den 11. mars innførte FHI ein mellombels pause i vaksinering med AstraZeneca-vaksinen i Norge. Det gjorde dei etter meldingar om alvorlege sjukdomstilfelle internasjonalt og eit dødsfall i Danmark etter vaksinasjon. I løpet av pauseperioden har det også kome meldingar om liknande sjukdomstilfelle og fire dødsfall i Norge.
Artikkelen held fram under annonsen.
– Det er krevjande, men riktig avgjersle å forlenga pausen for AstraZeneca-vaksinen. Vi meiner det er nødvendig å gjennomføra fleire undersøkingar rundt dei aktuelle hendingane, slik at vi kan gje best mogleg råd om vaksinasjon til befolkninga i Norge, seier smitteverndirektør Geir Bukholm ved FHI i ei pressemelding.
– Vi har difor vedteke å forlenga den mellombelse pausen for AstraZeneca til 15. april, held han fram.