Første koronatilfelle i Kvinnherad

Kvinnherad har fått sitt fyrste tilfelle av koronaviruset. Det stadfestar kommuneoverlege Glenn André Opland.

Fredag skreiv Grenda at tolv kvinnheringar var i karantene i påvente av prøvesvar, medan seks personar var i heimekarantene grunna nærkontakt med personar med stadfesta smitte.

Måndag kunne kommuneoverlege Glenn André Opland fortelja at ein av personane som sat i heimekarantene i påvente av prøvesvar hadde fått påvist koronaviruset.

– Vi har eit stadfesta tilfelle der ein person som var i karantene har testa positivt. Vedkomande sat i heimekarantene i samband med smittesporing, seier Opland.

I følgje VG kan smitten knytast til utbrot i utlandet og at vedkomande har milde symptom.

Opland oppmodar vidare folk om å følgja Folkehelseinstituttet sine retningslinjer og at ein er påpasseleg med hand- og hostehygiene. Elles slår han fast at det ikkje er noko dramatikk i at Kvinnherad no har fått påvist sitt første tilfelle av koronaviruset.

– Det er ingen dramatikk i dette. Vi har gjort det vi skal i forhold til at vedkomande har testa positivt, seier Opland.