Fråværsgrensa gjeld som normalt frå hausten

På grunn av koronapandemien vart det i mars innført midlertidige endringar i fråværsgrensa. Dei endringane blir ikkje vidareført når skuleåret startar opp igjen til hausten.

– Når skulane startar frå hausten, vil fråværsgrensa gjelda stort sett som normalt. Dette betyr at elevar i vidaregåande skule på vanleg måte dokumenterer fråværet sitt. Eg oppmodar skulane til å bruka det handlingsrommet dei har, slik at elevane får ein best mogleg skulekvardag, seier statssekretær i kunnskapsdepartementet Grunde Kreken Almeland i ei pressemelding.

For elevar som har milde eller ingen symptom på sjukdom, men som likevel må halda seg heim, kan skulane til dømes vurdera ei ordning kor eleven utfører organisert skulearbeid heimanfrå eetter avtale med faglærar eller rektor.

– Slike løysingar vil gjera at eleva med milde symptom kan halda seg heime, men likevel gjera skulearbeidet, seier Almeland.