Front mot front i Uskedalen

To personar er sendt til legevakta med lettare skadar etter ei trafikkulukke i Uskedalen.

Like før klokka 07.30 frontkolliderte to bilar på strekkja mellom Rød og Ljosnes i Uskedalen. Det var tre personar involvert i ulukka, to av dei er no sendt til lokal legevakt for nærare sjekk, mens den tredje skal vera uskadd, fortel operasjonsleiar Bjarte Rebnord til Bergens Tidende.

Trafikken stoppa opp og det danna seg lange køar på begge sida av ulukka. Men etter at naudetatane hadde fått kontroll på situasjonen vart dei ventande bilane dirigert fint forbi ulukkesstaden.