Full dags feiring for Rosendal Fus Barnehage
Fredag vart det grundig feira at Rosendal Fus Barnehage er ti år.
– Me har sunge bursdagssongar og feira på flott vis. Det vart på mange måtar ei forseinka 17. maifeiring, med potetløp og svampkasting på dei tilsette. Det har vore god stemning heile dagen, lova dagleg leiar i Rosendal Fus Barnehage Marit Skåla.
Artikkelen held fram under annonsen.
Ho er ei av dei sju tilsette som har vore i barnehagen sidan oppstartsåret 2010, saman med Kristin Hjelmeland, Hilde Hatteberg, Kristin Marken, Marit Friheim, Sunniva Tveito og Janne-Helen Skåre.
Då det nærma seg hentetid for barna, var det tid for finalen i bursdagsfeiringa. Då kom isbilen, i form av traktor og hengjar, der barna fekk «kjøpa» seg is hos Skåla. Det var ein vilkårslaus suksess, sjølvsagt.
– Så lenge det er traktor og is, så er det meste innanfor, kommenterte Skåla om stuntet som avslutta feiringa for dei yngste for dagen.
Dei tilsette på si side skulle feira dagen litt til, med tur på fjorden med «Gurine», i strålande solskin.
og Kristin Marken har alle jobba i Rosendal Fus Barnehage i ti år.