Fureberg bru stengt
Det er ikkje uvanleg at brua over Furebergfossen må stengast. Men slike vassmengder som i dag har knappast nokon sett før.
Klokka 13.40 laurdag valde Mesta å stenga brua over Furebergfossen. Mannskapa seier vegen neppe vert opna før i morgon. Grenda var på staden då stenginga vart gjennomført, og kan aldri hugsa å ha sett slike enorme vassmengder før. Med tanke på at meldingane tilseier meir nedbør, er det fullt forståeleg at Mesta bestemte seg for setja bommen ned.
Tidlegare laurdag var også Sløyfa i Myklebustdalen stengd ei stund grunna store mengder grus og stein i vegen. Store vassdammar i vegbana finn ein elles både på Malmanger i Rosendal, i Omvikdalen, i Sandvikelio og i Kleivadalssvingen i Uskedalen.
Artikkelen held fram under annonsen.
Laurdag morgon var elles fleire ferjestrekningar stengde på grunn av vinden.