Gledelege søkjartal ved studiesenteret

Over 20 nye studentar har takka ja til studiar ved Kvinnherad Studiesenter til hausten.

Desse spreiar seg på faga organisasjon og leiing, økonomi og administrasjon, rekneskap og økonomirådgjeving, og bedriftsøkonomi. Desse 20 vil gå under Høgskulen Innlandet, i tillegg vil det koma studentar frå Oslo MET, Universitetet Sør-Øst Norge og Universitetet i Nord, som også har eit samarbeid med Kvinnherad Studiesenter.

– Det er kjekt at så mange ønsker å nytta høvet til den lokale moglegheita til fagleg påfyll. Eg trur at moglegheita til å kombinera høgare utdanning med jobb og familie, samt at ein slepp lang reiseveg, er viktige faktorar til det gode søkjartalet i år, seier prosjektkoordinator Kristine Røyrvik i Kvinnherad Næringsservice, som også fortel at det framleis er nokon restplassar på fleire av faga.