Grenda-kalender for 10. gong
Då er Grenda-kalenderen for 2023 på plass.
I desember 2013 overtok Grenda ansvaret for den populære kalenderen som Kvinnherad Sparebank i si tid starta opp med. Etter ein hektisk innspurt, rakk avisa å få kalenderen for 2014 i trykken før årsskiftet. Då med Grenda sine journalistar som fotografar.
Allereie året etter vart lesarane inviterte til å senda inn bilete, og det har vore ein svært vellukka tradisjon kvart år seinare. Med 2023-kalenderen kan altså Grenda feira 10-årsjubileum som utgjevar. Og årets produkt er sjølvsagt like staseleg som alltid.
Artikkelen held fram under annonsen.
Interesserte kan henta kalender på Grenda sitt kontor i 2. etasje på Varehuset Rosendal, eller på biblioteket på Husnes. I tillegg er distribusjonen til bedrifter rundt omkring i kommunen i gang.