Grenda lagar 17. mai-sending

Bli med på 17. mai-feiringa her hos Grenda klokka 16 på nasjonaldagen.

Grunna koronapandemien får ikkje kvinnheringane feira 17. mai på tradisjonelt vis. Det er likevelt mykje som skjer, og Grenda vil by på innslag og sending frå fleire av kommunen sine bygder.

Dei forskjellege 17. maikomiteane byrja å bli klare med sine program. Ikkje uventa vil mykje føregå samstundes rundt omkring, noko som diverre medfører at det ikkje let seg gjera å dekka alt.

Men Grenda har allereie gjort førehandsopptak fleire stader, som skal syta for å krydra sendingar på ein god måte.

Blant godbitane kan vi lova heidundrande konkurransar, bilkortesjar, talar og korpsmusikk. Det heile vert sendt her på Grenda.no klokka 16 på nasjonaldagen.

Sendinga blir open for alle, og kan sjåast i sin heilskap kva tid ein måtte ynskja etter klokka 16 på nasjonaldagen.