Grenda sender direkte frå valvaka
Måndag kveld kan du bli med direkte frå valvaka i kantina på Rådhuset på Grenda.no.
I løpet av kvelden vil du få rullerande oppdateringar etter kvart som røystene vert talde, reaksjonar frå politikarane og ein generell stemningsrapport frå valvaka i Kvinnherad.
Artikkelen held fram under annonsen.
Sendinga vil etter planen starta klokka 19.30 måndag kveld, og vi satsar på å presentera resultatet frå førehandsrøystinga i 21-tida. Deretter kjem dei ulike krinsane fortløpande.
Redaktør Håvard Sætrevik og journalist Morten Nygård sit klare i Grenda-studio for å gje deg siste nytt når det skjer utover kvelden. Vi får neppe vita kven som vert ordførar denne kvelden, men mandatfordelinga vil bli ganske eksakt, sjølv om eksakt røystefordeling ikkje vert klar før tysdag ettermiddag.
Sendinga er open for alle.