Grønningen blir redaktør i Kvinnheringen

Mona Grønningen blir redaktør og dagleg leiar i Kvinnheringen, skriv Amedia i ei pressemelding.

Grønningen har vore konstituert redaktør sidan Tomas Bruvik gjekk ut i permisjon i februar, og ho fekk forlenga dette vikariatet då det blei klart at Bruvik sa opp i sommar. Onsdag  var det offentleg kjent at 32-åringen er tilbudd – og har takka ja – til fast stilling som redaktør og dagleg leiar for avisa.

Styreleiar Øystein Vormestrand seier i pressemeldinga at styret er glad for at Grønningen har takka ja til jobben som redaktør og dagleg leiar, og han skildrar henne som ein ambisiøs og kompetent leiar som kjenner behova i organisasjonen og i lokalsamfunnet sitt godt.