Gut påkøyrd på Seim - kom uskadd frå ulukka
Ein gut vart i 15.30-tida onsdag ettermiddag påkøyrd ved butikken på Seim.
Operasjonssentralen til Vest Politidistrikt i Bergen seier til Grenda klokka 15.40 at det førebels berre er brannvernet som har kome fram til staden.
Artikkelen held fram under annonsen.
- Det er ein gut som er påkøyrd. Han skal vera bevisst. Meir enn det veit vi førebels ikkje, opplyser politiet.
Like over klokka 16.00 kunne Vest politidistrikt melda at guten ikkje er skadd.
– Guten er undersøkt av helse og er ikkje skadd. Påkøyrsla har skjedd i samband med at ein personbil køyrte forbi ein buss som stod på busstoppet. Guten gjekk føre bussen og blei treft av personbilen, skriv Vest politidistrikt på Twitter.