Gut sakna på Melderskin

Ein 14 år gamal gut var fredag sakna i fleire timar på fjellet Melderskin (1.426 meter).

Det var klokka 15.25 i dag at Vest Politidistrikt la ut følgjande melding på Twitter: «Familie saknar sin son (14) frå ein fjelltur på Melderskin. Sist sett ein gong mellom 11 og 12 i dag. Gjekk i følgje på 10 personar. Gjekk i førevegen, og vart borte frå dei. Turfølgjet er ute og leitar, og det er rekvirert eit helikopter i søket».

Éin time seinare vart det opplyst at hundepatruljen frå Bergen og medlemmer frå Kvinnherad Røde Kors var på veg for å delta i søket. Etter kort tid kunne patruljen melda at guten var funnen og i kontakt med mor si på fjellet. Politiet ville då ta kontakt med guten.