Han vert ny styreleiar i BKK Nett
Tidlegare SKL-sjef Magne Heimvik har takka ja til å bli ny styreleiar i BKK Nett.
Det kjem fram i ei pressemelding frå BKK onsdag.
Artikkelen held fram under annonsen.
Heimvik har lang erfaring, og har hatt mange sentrale verv og posisjonar i kraftbransjen. Blant anna var han administrerande direktør og konsernsjef i Sunnhordland Kraftlag i 20 år før han gjekk av med pensjon i 2018. Heimvik har også tidlegare vore medlem i styret for BKK Nett.
– BKK Nett har ein offensiv strategi og ambisiøse mål. Det mykje spanande på gong der og eg gler meg til å få lov til å bidra i arbeidet med det grøne skiftet og elektrifisering, der infrastruktur spelar ei viktig rolla, seier Heimvik til pressemeldinga.
Energi og infrastrukturselskapet BKK er også nøgd med å ha fått Magne Heimvik på lag.
– Eg er veldig fornøgd med at Magne Heimvik har takka ja til å bli styreleiar i BKK Nett. Han sit på mykje verdifull erfaring og kunnskap. Han er både ein strateg og ein brubyggjar, seier konsernsjef Jannicke Hilland i BKK til pressemeldinga.