Handelandsbrua får ansiktsløft

Byggservice AS vil om under to veker setja i gang arbeidet med å gje den ærverdige Handelandsbrua på Sandvoll eit realt ansiktsløft.

Vedlikehaldskontrakten har dei vunne gjennom eit firma som heiter Consolvo AS. Og dei skal om eit par veker setja i gang arbeidet med å rusta opp den verna brua som går over Handelandselva på Sandvoll, eit lite steinkast frå kontoret til Byggservice AS.

– Brua er verna, og det er mange som er interessert i at den skal halda seg så lik som rå. Og det vil den, men den skal få seg eit lite ansiktsløft med nytt autovern på innsida og nytt rekkverk. Og når arbeidet er ferdig vil brua vera ganske lik, men den vil framstå som finare enn det den gjer i dag, seier Fred Nilsen.

I tillegg til å rusta opp sjølve brua, skal entreprenørane sørga for at det vert meir behageleg å ta seg over ho også for tyngre køyretøy.

– Vi skal få på plass ein større svingboge på valesida av brua. Slik at det vert ein større svingradius som igjen fører til at dei som kjem køyrande med lastebil eller andre lengre bilar kjem rettare inn på brua, sluttar Nilsen.