Håpar å starta opp med vaksinasjon i midten av januar
Kvinnherad kommune planlegg no gjennomføring av massevaksinasjon av korona, og håpar å starta opp med vaksinasjonen tidlegast i midten av januar.
Kommunen har sendt ut eit informasjonsbrev om koronavaksinering. I brevet kjem det fram at dei no er i planleggingsfasen om gjennomføring av massevaksinasjonen for korona.
Artikkelen held fram under annonsen.
– Informasjon om arbeidet vil bli laupande oppdatert på heimesida til kommunen. Koronavaksine og vaksinasjon er gratis, står det å lesa i brevet.
Over 85 år først
Koronaviruset gir infeksjon i luftvegane. Dei fleste får ingen eller milde symptom, men nokre vert alvorleg sjuke.
– Dei eldste og dei som har enkelte andre sjukdomar frå før har størst risiko for å få alvorleg sjukdom, skriv kommunen.
Norge vil få tilgang på fleire ulike vaksinetypar, men det er enno usikkert kor raskt ein får vaksinane på plass.
– Det er usikkerheit knytt til kor raskt vi får vaksine og kan tilby dei til anbefalte grupper. Vi håpar på å starta opp tidlegast i midten av januar. I starten vil det ikkje vera nok vaksine til alle som anbefalast koronavaksine. Basert på råd frå FHI har regjeringa gitt følgjande prioritering med dei øvste prioriterte først, skriv kommunen og legg ved prioriteringslista;
- Bebuarar i sjukeheim og omsorgsbustadar (gjeld eldre bebuarar)
- Eldre over 85 år
Artikkelen held fram under annonsen.
- Eldre over 75 år og deretter dei over 65 år
- Personar 18-64 år med éin eller fleire nærare spesifiserte sjukdomar som dei har frå før.
To vaksinasjonsstadar
Førebels er ikkje helsepersonell prioritert høgare enn desse gruppene, men det kan endrast om smittepresset aukar.
– Og visst smittesituasjonen i helseinstitusjonane endrar seg. Kommunen vil i første omgang kontakta dei over 85 år, og deretter gå nedover på lista, skriv kommunen.
Det vil vera mogleg å få vaksine på to stadar i kommunen; Kulturhuset Husnes og Rosendal Samfunnshus.
– Vi oppmodar om at alle som har moglegheit kjem seg til vaksinasjonsstaden for eiga maskin – dette for å effektivisera massevaksinasjonen, skriv kommunen avslutningsvis.