– Har du symptom så må du ikkje finna på å koma på besøk

Kommuneoverlege Glenn André Opland bed folk som har tenkt seg på besøk til ein av kommunen sine institusjonar i jula om å vera varsame.

– Vi reknar med at det kjem besøk frå andre stadar i høgtida, noko som er ein auka risiko for smitte. Vi oppmodar folk om å vera varsame, og avgrensa talet på personar som kjem på besøk. Samtidig er det viktig å halda avstand, bruka munnbind og følgja retningslinjene. Har du symptom så må du ikkje finna på å koma på besøk, seier Opland.

Det er ingen registrerte smittetilfelle dei siste vekene, og kommuneoverlegen føler dei har så god kontroll som dei kan ha per dags dato. Likevel er det viktig å følgja smittevernreglane gjennom høgtida. Særskild om ein skal besøk ein institusjon.

– Sjølv om det er jule- og nyttårshelg må besøka gjennomførast i samsvar med dagens retningslinjer for å ivareta bebuarane. Vi vil organisera og leggja til rette for at pårørande får besøkja sine kjære så langt som råd, men innafor faglege smittevernråd og retningslinjer, skriv kommunen i ei pressemelding.

 

Tek i mot gåver

I den same meldinga skriv kommunen har personar som bur på sjukeheim ikkje bør reisa ut på permisjon. Om ein likevel vel å gjera det, må ein i ettertid vera eksta obs på symptom og påpasseleg med avstand.

Når det kjem til personar som har langtidsopphald i institusjon og som vel å dra på permisjon i fleire dagar, kan ikkje dei automatisk rekna med å få helsetenester i heimen. Bebuarar på korttidsopphald som vel å dra på permisjon i fleire dagar, vert skrivne ut.

– Slik at andre kan få tilbod om eit opphald i jula, skriv kommunen.

Når det kjem til gåver bebuarane tek institusjonane gladeleg i mot.

– Bebuarane våre kan ta i mot gåver og blomar. Følg då generelle råd for handhygiene, skriv kommunen.