– Har spart seg til fant

Alt tyder på at folketalsvekst i bygdene heng nøye saman med etablering av nye byggjefelt. Ove Lemicka (Frp) meiner det har kosta dyrt at kommunen ikkje har delteke i slikt arbeid dei siste 20 åra.

Førre torsdag prenta Grenda ein omfattande oversikt over folketalet i Kvinnherad. Der fekk ein fyldig informasjon om utviklinga sidan 1960 bygd for bygd, samt alders- og kjønnssamansetjing. Ved å studera statistikken får ein raskt mistanke om at det er i bygdene der det er etablert byggjefelt at folketalet aukar, til dømes i Omvikdalen, medan stader utan nye byggjefelt går attende, slik som i Ølve. Ove Lemicka har merka seg desse tendensane, og allereie i valkampen i haust oppmoda Frp kommunen om å vera med og kjøpa inn, leggje til rette og gjera klart både næringsareal og bustadtomter,

– Eg meiner folketalsopplysningane dokumenterer det vi sa. Det er lett å sjå at i Omvikdalen og på Sunde, til ein viss grad også i Uskedalen og på Valen, er det ein direkte samanheng mellom tilrettelegging av bustadfelt og ekspansjon, seier han til Grenda.

Ein skandale

I kommunestyret har det gjennom mange år vore snakka om kor viktig det er å auka folketalet, samstundes som at kommunen ikkje har engasjert seg i tilrettelegging av bustadfelt sidan tidleg på 1990-talet. Lemicka meiner det har vore ein fullstendig feilslått politikk.

– Det er jo heilt meiningslaust. Dei siste åra har ikkje politikarane vore viljuge til å leggja til rette for vekst, eller dei har sytt for at private har måtta gjera det. I 20 år no har ein spart seg til fant. Kvinnherad må få opp folketalet, det er der inntektene til kommunen ligg, meiner Frp-frontmannen.

 

Les meir i dagens papiravis eller kjøp pdf-utgåva.