Held open på Husnes
Måndag morgon kom sjokkmeldinga om at Cosmetic Group, som eig og driv kosmetikk-kjeda Vita, er konkurs. Men på Husnes held dei ope inntil vidare.
– Vi har ikkje fått beskjed om å ta ned noko dør, så her går alt som normalt i dag. Når det kjem til sjølve saken så kan eg ikkje kommentera den i det heile tatt, seier dagleg leiar Tone Merete Lillesletten i Vita Husnes.
Artikkelen held fram under annonsen.
Det kom som lyn frå klar himmel då Cosmetic Group sjølv melde inn konkursen til Oslo Byfogembete måndag morgon. Cosmetic Group As eig og driv kosmetikk-kjedene Vita og Loco. Konkursen råkar så mange som 1300 tilsette.
– Styret i Cosmetic Group AS har nor konkludert med at føresetnadane for vidare drift ikkje lenger er der. Dette vil råka kjedene Vita og Loco, med 300 tilsette ved hovudkontoret i Oslo og logistikkvirket i Mjøndalen, samt i dei 23 eigeneigde Loco-butikkane. I tillegg vert drifta råka i 207 franchisedrivne Vita-butikkar i heile Norge med i alt 1000 tilsette, skriv Cosmetic Group AS i ei pressemelding.