Helse Fonna var i raud beredskap
OPPDATERT KL. 10.10: I samband med ferjeuhellet på MF "Hordaland" gjekk Helse Fonna over på raud beredskap.
Helse Fonna har sendt ut følgjande pressemelding om ferjedramatikken:
- Helse Fonna har klokka 09.30 i dag avslutta raud beredskap etter at det klokka 08.15 i dag tidleg blei mottatt melding om ei ferje som tok inn vatn ved Varaldsøy. Alle passasjerane er evakuerte, og det er ikkje pasientar i sjukehus som fylgje av hendinga. Helse Fonna har på oppmoding frå politiet ein ambulanse i beredskap ved Årnes i Kvinnherad.
Artikkelen held fram under annonsen.
Tove-Lill Lakselv i Dråpen ferjekiosk var om bord "Hordaland" då uhellet skjedde. Ho kan ikkje uttala seg om kva som skjedde, men seier litt om korleis folk reagerte då alarmen gjekk.
- Opplevinga gjekk heilt greitt føre seg. Passasjerane var rolege og mannskapet gjorde det dei skulle, fortel ho til Grenda.
Rett etter klokka 10.00 sendte også Vest Politidistrikt ut pressemelding om saka. Der står det:
- Like over klokken åtte i morges fikk politiet melding om at fergen mellom Gjermundshavn og Varaldsøy, MF Hordaland, tok inn vann. Fergen hadde 19 personer om bord. Store ressurser ble sendt mot stedet. Etter kort tid hadde fergen fått lagt til fergekaien på Varaldsøy og passasjerene gikk i land. Det er ikke meldt om skader på noen av de som var om bord. Mannskapet på fem er igjen om bord på fergen.
Politiet vil starte undersøkelser rundt hendelsen for å søke å finne årsaken.