Henta ned frå fjellhylle av redningshelikopter
Ei kvinne vart henta ned frå ei fjellhylle i Herøysundet ved hjelp av Sea-King søndag ettermiddag.
Klokka 15 søndag ettermiddag fekk naudetatane melding om ei kvinne i 50-åra som hadde sklidd ned på ei fjellhylle i Herøysundet.
Artikkelen held fram under annonsen.
- Vedkomande var på tur til Pilo i Herøysundet og hadde glidd utanfor og ned på ei fjellhylle. Det var ulendt terreng og vedkomande trenge hjelp til å koma seg ned der i frå. Kvinnherad brann og redning og Sea King bidrog og fekk løfta ho ut på ein trygg og god måte, seier lensmann Sigurd Børve i Kvinnherad lensmannsdistrikt.
Vest politidistrikt skriv på Twitter klokka 16.30 at det var eit turfølgje på to venninner og ein hund, og kvinna som vart henta ned av Sea-King får tilsyn av ambulansepersonell.