Hevda seg i terrengløp

Frida Berge leverte eit godt løp i Seattle førre fredag.

Terrengløpet Washington Cross Country Invitational vert arrangert i Seattle i staten Washington, nordvest i USA. I 2015-utgåva deltok også Frida Berge frå Ølve. Heime i Norge representerer ho klubben Gular, medan ho i USA, der ho studerer, tek på seg drakta til skulen i Oregon.

Frida Berge løp inn til ein sterk 11. plass med tida 20.09,3, noko som var 28 sekund bak vinnaren. Oregon sikra seg også 2. plass, 4. plass og 6. plass, noko som heldt til siger i lagkonkurransen. Med 36 poeng var dei langt føre Washington med 59 og Stanford med 60.