Historisk fylkesting
Nye Vestland fylke skal i neste veke arrangera sitt aller fyrste fylkesting.
Samlinga finn stad på Hotell Norge i Bergen 15. og 16. oktober. Programmet inneheld sakshandsaming og opplæring for politikarane, samt ei høgtidleg markering og middag i Håkonshallen om kvelden.
Artikkelen held fram under annonsen.
Dei 65 representantane som møter i det fyrste fylkestinget i Vestland fylke fordeler seg slik mellom partia: Arbeiderpartiet 14, Høgre 12, Senterpartiet 10, Folkeaksjonen Nei til meir bompengar 6, Framstegspartiet 6, Miljøpartiet Dei grøne 5, Sosialistisk Venstreparti 4, Kristeleg Folkeparti 3, Venstre 2, Raudt 2 og Pensjonistpartiet 1.
Utanom fylkesutvalet, som får 17 medlemmer, skal det veljast medlemmer til dei fire hovudutvala. Det er hovudutval for kultur, idrett og inkludering, hovudutval for næring, naturressursar og innovasjon, hovudutval for opplæring og kompetanse og hovudutval for samferdsel og mobilitet.
Som kjent er det ingen av dei faste fylkespolitikarane som kjem frå Kvinnherad.