Ho er den første norske kunstnaren som får bu på Halsnøy Kloster
Klara Sofie Ludvigsen frå Sagvåg vert den første norske kunstnaren som får opphald på Halsnøy Kloster.
Måndag kveld ynskjer Halsnøy Kloster velkomen til ein ny kunstnarpresentasjon ved klosteret. På grunn av koronapandemien vart det denne gongen berre ein kunstnar på opphald.
Artikkelen held fram under annonsen.
– Til gjengjeld er Klara Sofie Ludvigsen den fyrste norske vi har på opphald og ikkje minst ganske kortreist. Ho kjem frå Sagvåg på Stord, og bur og jobbar i Bergen, skriv klosteret i ei pressemelding.
Klara Sofie er utdanna ved Kent Institute of Art and Design i England, med utveksling til Universitat Politecnica de Catalunya i Barcelona. Ho jobbar med fotografi og er interessert i det fysiske aspektet både ved arbeidet og opplevinga av det fotografiske mediet.
– Ho jobbar mykje med eldre og tdikrevjande prosessar som storformat og mørkerom. Ho undersøker mellom anna korleis form kan ta meir plass i det fotografiske språket, skriv klosteret.
Kunstnaren frå Sagvåg skal bu tre veker på klosteret for å utvikla arbeidet sitt vidare.