Høgre størst i Kvinnherad

Med ein prognose på ni mandat er Høgre no det største partiet i Kvinnherad.

- Det er heilt fantastisk. At vi nok eingong skulle bli det største partiet i Kvinnherad, det er heilt utruleg. Eg må få lov til å takka veljarane, seier Leif Sverre til Grenda like etter at tala er klare.

Å vera størst er ikkje noko hinder når partia no skal inn i forhandlingar.

- Det er aldri eit minus, men det er ei heller ein garanti. Det har me smerteleg erfart tidlegare, seier Enes.

Men det kan enno skje små endringar.

- Som eg fortalde nokon tidlegare så har vi 150 røyster som vi skal telja i morgon, noko som kan slå ut i mandatendringar, seier valgeneral Geir Mogren.

Dei 150 røystene er postrøyster.

Endeleg resultat over kven som får dei 35 plassane i kommunestyre kjem ikkje før i morgon kveld.

- Det er utruleg mange slengjarar og kryss rundt om, så det endelege resultatet om kven som får de i35 kommunestyreplassane har me ikkje før i morgon klokka 17.30, seier Mogren.