Husleigepolitikken i Kvinnherad kommune

Innspel til politikarane i Kvinnherad

Det var med stor glede eg las i den nyleg framlagde Samarbeidsavtalen mellom AP, SF og SP,

at ansvarlege politikarar i Kvinnherad kommune no vil vurdere husleigesatsane og husleige-politikken på nytt. Dette har også tidlegare vore lovd frå kommunestyret sin talarstol, men diverre utan at så har skjedd. Denne gongen håpe eg verkeleg at det skjer.

I samband med husleigesatsar/husleigepolitikk, så sende eg eit varsel til politikarane den 08.12.17. Varselet gjaldt kritikkverdige forhold, der kommunen sin administrasjon braut med vedtak som kommunestyret hadde gjort. Om de ønskjer å lese nemnde dokument,

så vil de finne mange konkrete opplysningar der – som kan bidra i gjennomgangen de ønskjer. Eg kjende forholda godt, då eg i mange år jobba både med utleige av bustad til vanskelegstilte- og samtidig hjelpte dei med forvaltninga av økonomien sin.

I samband med kommunevalet i haust hadde Kvinnheringen samtalar med nokre politikarar.

Samtalar som vi kunne lytte til via nettet, og som eg fann svært interessante. Ein av politikarane Kvinnheringen snakka med var Gaute Lund, som m.a. fortalte at han var oppteken av temaet makt/avmakt. Dette er eit svært viktig tema å halde oppe- kvar dag,

for alle som jobbar i det offentlege- og særleg for dei som sit i leiande stillingar. Når det gjeld husleigespørsmålet i høve utleige til personar som slit på så mange området i livet sitt, så har administrasjonen her utøvd ei makt overfor personar som ikkje evnar å gjere rettane sine gjeldande. Då er det enno viktigare at den som utøver makt, ser til at det ikkje vert utøvd eit misbruk av makt.

Eg må vidare også seie at det var fantastisk kjekt å få framlagt eit så tydeleg dokument over kva dei leiande politikarane i kommunen vår ønskjer å prioritere. Ikkje minst var det kjekt å sjå at den eine overskrifta er «Sosialpolitikk». Dette er noko eg har venta på- og ønska lenge, at saker som gjeld kvardagen til grupper av personar i samfunnet vårt som har det vanskeleg, endeleg skal kome på dagsorden hjå dei som kan bidra til å gjere noko med desse forholda.

Når det gjeld husleigepolitikken elles, så vil eg hevde at kommunen eig- og disponerer altfor mange bustadar. Det er ikkje naudsynt for kommunen å leige ut bustad til personar som har høve til å leige på den private bustadmarknaden.

Eg ønskjer lukke til med gjennomgangen av husleigepolitikken- og særleg i høve dei altfor høge husleigene – sett i forhold til standard på bustad, vanskelegstilte sin økonomi, og den

unødvendig utvida «byråkratiseringa» (les; kommunal bustøtte).

 

Av: Møyfrid Kristoffersen, Uskedalen, 29.januar 2020

[gravityform id="11" title="true" description="true"]